NRG-BI Green ekologik tashabbusi doirasida NRG-BI kompaniyasi Toshkent Botanika bog‘i hududida 150 dan ortiq yangi turdagi daraxt va buta ko‘chatlarini ekdi. Tadbirda NRG-BI xodimlari, kompaniya hamkorlari, shahar aholisi va mehmonlari ishtirok etib, Toshkentni yanada yashil va yashash uchun qulay shaharga aylantirish g‘oyasi atrofida birlashdilar. Tashabbusning o‘ziga xos jihati shundaki, ekilgan o‘simlik turlari avval Botanika bog‘i to‘plamida mavjud bo‘lmagan. Shu tariqa, tadbir nafaqat hududni ko‘kalamzorlashtirishga hissa qo‘shdi, balki bog‘dagi o‘simliklar xilma-xilligini kengaytirishga ham xizmat qildi. “Biz shahar haqidagi g‘amxo‘rlik aniq harakatlardan boshlanishiga ishonamiz. NRG-BI Green tashabbusi biz uchun tabiatning ahamiyati haqida shunchaki gapirish emas, balki yillar o‘tib ham natijasi ko‘rinadigan o‘zgarishlarni birgalikda yaratish imkoniyatidir. Hamkorlarimiz, shahar aholisi va boshqa ishtirokchilarning ushbu tashabbusga qo‘shilgani ayniqsa muhim. Bu orqali loyiha barchamizning umumiy ishimizga aylanmoqda”, — deya ta’kidlaydi kompaniya.Tabiatga g‘amxo‘rlik — shahar muhitining ajralmas qismi Bugungi kunda ekologiya va ko‘kalamzorlashtirish masalalari shaharlar uchun tobora muhim ahamiyat kasb etmoqda. Daraxtlar va yashil hududlar shahar muhitini yanada qulay qilishga, dam olish maskanlarini yaratishga hamda aholining tabiat bilan uyg‘unligini mustahkamlashga xizmat qiladi. NRG-BI uchun bunday muhitni rivojlantirishda ishtirok etish — zamonaviy yashash makonlarini yaratishga qaratilgan yondashuvning davomi. NRG-BI Green ana shunday tashabbuslarni birlashtirish, ularga kompaniya xodimlari, hamkorlari va shahar aholisini jalb etishga qaratilgan. Tadbir davomida ishtirokchilar nafaqat ko‘chatlar ekdilar, balki tabiat qo‘ynida vaqt o‘tkazish, o‘zaro muloqot qilish va Botanika bog‘i rivojiga shaxsiy hissa qo‘shish imkoniyatiga ham ega bo‘ldilar. Bugun ekilgan daraxtlar shahar bilan birga o‘sib, kelajak avlodlar uchun yashil makon yaratadi. NRG-BI Green — bugungi ezgu qadamlar, ertangi yashil kelajak.&nbsp;

NRG-BI Toshkent Botanika bog‘ida 150 dan ortiq noyob daraxt va buta ko‘chatlarini ekdi

27-sentabr kuni San’at turar joy majmuasi hududida NRG-BI va Costa Coffee hamkorligida Coffee Rave tadbiri bo‘lib o‘tdi. &nbsp;Unda elektron musiqa, qahva, gastronomiya va zamonaviy me’morchilik uyg‘unligi namoyon bo‘ldi. Tadbirga 120 ga yaqin mehmon tashrif buyurdi. &nbsp;&nbsp;Coffee Rave NRG-BI va Costa Coffee uchun developer va qahva brendi o‘rtasidagi ushbu formatdagi ilk hamkorlik tajribasi bo‘ldi. Loyiha g‘oyasi shahar hordig‘ining yangi ssenariysini yaratishga qaratilgan bo‘lib, unda odatiy qahva madaniyati qahvaxona chegaralaridan chiqib, musiqa, muloqot va turar joy majmuasining me’moriy muhiti bilan uyg‘unlashadi. &nbsp; Kechaning musiqiy dasturini DJ Safronov, DJ Zoff va DJ Zackee taqdim etdi. Tadbir davomida mehmonlar DJ-setlardan bahramand bo‘lish, muloqot qilish, San’at hududi bilan tanishish, Costa Coffee’dan qahva ichish va norasmiy muhitda vaqt o‘tkazish imkoniyatiga ega bo‘ldilar.Maydonning o‘zi ham konsepsiyaning ajralmas qismiga aylandi. An’anaviy klub yoki restoran hududi o‘rniga Coffee Rave bevosita turar joy majmuasi hududida o‘tkazildi. Shu tariqa, San’at me’morchiligi tadbirning o‘zi va uning muhitining bir qismiga aylandi.Tadbir 120 ga yaqin kishini bir joyga jamladi. &nbsp;&nbsp;Mehmonlar orasida yoshlar, oilalar hamda kompaniyaning boshqa turar joy majmualari aholisi bor edi. Auditoriyaning bunday tarkibi ushbu format turli turmush tarziga ega insonlar uchun ham qiziqarli ekanini ko‘rsatdi. Tadbir nafaqat musiqiy dastur, balki muloqot va yangi tanishuvlar uchun ochiq makonga aylandi. Coffee Rave yakunlariga ko‘ra, tashkilotchilar mehmonlardan ijobiy fikr-mulohazalar olishdi.Coffee Rave development va lifestyle madaniyati kesishmasidagi yangi formatga aylandi: turar joy majmuasi bir kunga shunchaki yashash joyi emas, balki yangi shahar tajribasi uchun makonga aylandi.

NRG-BI va Costa Coffee San’at turar joy majmuasida birinchi Coffee Rave tadbirini o‘tkazdi

12-sentabr kuni AZIMUT Grand Hotel’da NRG-BI Hamkorlar forumi bo‘lib o‘tdi. Unda kompaniyaning hamkorlik hamjamiyatidan 150 ga yaqin vakil ishtirok etdi. Tadbirning asosiy mavzulari hamkorlik tarmog‘ini rivojlantirish, kompaniya ishining natijalari, kelgusi strategiya va hamkorlikning yangi istiqbollari bo‘ldi. Forum NRG-BI va uning hamkorlari o‘rtasida ochiq muloqot maydoniga aylandi, shuningdek, kompaniyaning joriy rivojlanishini taqdim etish va kelgusi harakatlarning asosiy yo‘nalishlarini belgilab olish imkoniyatini berdi. Tadbir doirasida NRG-BI vakillari o‘tgan davr yakunlarini sarhisob qildilar, erishilgan natijalar haqida so‘z yuritdilar hamda kompaniyaning rivojlanish bo‘yicha keyingi bosqich rejalari bilan bo‘lishdilar. Hamkorlik tarmog‘ini yanada mustahkamlash va birgalikda ishlash imkoniyatlarini kengaytirishga alohida e’tibor qaratildi. NRG-BI uchun hamkorlik hamjamiyati biznesning barqaror rivojlanishida muhim o‘rin tutadi. Kompaniya shaffoflik, o‘zaro manfaatdorlik va maqsadlarni bir xil tushunishga asoslangan uzoq muddatli munosabatlarni o‘rnatishga intiladi. Forum, shuningdek, ishtirokchilarga NRG-BI strategiyasi hamda rivojlanish istiqbollari bilan yaqindan tanishish, tajriba almashish va hamkorlikning yangi imkoniyatlarini muhokama qilish imkonini berdi. Hamkorlar forumining o‘tkazilishi NRG-BI brendi atrofida kuchli hamkorlik ekotizimini shakllantirishdagi navbatdagi qadam bo‘ldi. Kompaniya ushbu yo‘nalishni rivojlantirishda davom etishni, professional hamjamiyat bilan o‘zaro aloqalarni kengaytirishni va birgalikda o‘sish uchun yangi imkoniyatlar yaratishni maqsad qilgan. NRG-BI ko‘chmas mulk bozoridagi o‘z mavqeini mustahkamlashda davom etmoqda. Buning uchun u develompentga zamonaviy yondashuvlar, uzoq muddatli rivojlanish strategiyasi va hamkorlar bilan tizimli ishlash amaliyotini uyg‘unlashtirmoqda.

NRG-BI kompaniyasi Toshkentdagi Hamkorlar forumida hamkorlik hamjamiyati vakillarini birlashtirdi

Xolding

Toshkent, 2026-yil 22-avgust. NRG-BI devoloperlik kompaniyasi bir vaqtning o‘zida uchta — Maftun Makon, Botanika Saroyi va San’at turar joy majmualarida mavzuga oid “Ochiq eshiklar kuni” tadbirlarini o‘tkazdi. Bu safar an’anaviy ko‘chmas mulk bilan tanishuv tadbiri mehmonlar uchun mashhur kino olamiga sayohatga aylandi. Har bir loyiha o‘z konsepsiyasiga ega bo‘ldi: Maftun Makon mehmonlarni “Dyunа”ning sirli olami muhiti bilan qarshi oldi, Botanika Saroyi ularni “Uzuklar hukmdori” ruhidagi ertaknamo olamga olib kirdi, San’at esa hind kinematografiyasining yorqin va rang-barang muhitiga sho‘ng‘itdi. NRG-BI mehmonlar uchun uchta turar joy majmuasi bo‘ylab yagona avtobus sayohatini tashkil etdi. Bunday tartib bir kunning o‘zida kompaniyaning bir nechta loyihasiga tashrif buyurish, qurilish jarayoni va bajarilish sifatini shaxsan baholash, har bir majmuaning o‘ziga xos jihatlari bilan tanishish hamda mavjud takliflarni o‘zaro solishtirish imkonini berdi. Har bir manzilda ishtirokchilarni o‘ziga xos bezaklar, shou-dastur, turli ko‘ngilochar faolliklar va keyteringni o‘z ichiga olgan mavzuga oid dastur kutib turardi. Shu bilan birga, ko‘chmas mulk bilan tanishish tadbirning markaziy qismi bo‘lib qoldi: NRG-BI mutaxassislari mehmonlarga maslahatlar berdi, loyihalarni taqdim etdi va xonadonlarni xarid qilishning amaldagi shartlari haqida ma’lumot berdi. Mavzuga oid “Ochiq eshiklar kuni” tadbiri NRG-BI uchun xaridorlar bilan o‘zaro hamkorlikning yangi shakliga aylanib, loyihalar bilan amaliy tanishuv va emotsional mijoz tajribasini birlashtirdi. Sotuv bo‘limiga odatiy tashrif o‘rniga mehmonlar bir vaqtning o‘zida bir nechta turar joy majmuasini ko‘rish, ularni solishtirish va yashash yoki sarmoya kiritish uchun eng maqbul yechimni tanlash imkoniyatiga ega bo‘ldilar. NRG-BI mijozlar bilan ochiq muloqot usullarini rivojlantirishda davom etmoqda. Bu bo‘lajak mulkdorlarga loyihalar bilan shaxsan tanishish va xarid bo‘yicha qarorni nafaqat vizualizatsiyalar, balki o‘z taassurotlariga ham tayangan holda qabul qilish imkonini beradi.

NRG-BI kompaniyasi “Ochiq eshiklar kuni”ni kino olamiga sayohatga aylantirdi

11-iyul kuni SAN’AT turar joy majmuasida uzoq kutilgan voqea — loyihaning birinchi bosqichidagi xonadonlar egalariga kalitlarni tantanali topshirish marosimi bo‘lib o‘tdi. Bu kun majmuaning bo‘lajak aholisi uchun ham, butun NRG-BI jamoasi uchun ham muhim bosqich bo‘ldi. Bir necha oylik mehnatdan so‘ng loyiha o‘z eshiklarini ilk xonadon sohiblariga ochdi.&nbsp; Ular tez orada o‘z uylarida hayotlarining yangi sahifasini ochishlari mumkin bo‘ladi. SAN’AT — O‘zbekiston san’ati va madaniy merosidan ilhomlanib yaratilgan komfort-klass turar joy majmuasidir. Loyihaning me’moriy konsepsiyasi Samarqand, Buxoro va Farg‘ona naqshlarini o‘zida mujassam etib, yashash va hordiq chiqarish uchun o‘ziga xos muhit yaratadi. Tadbir doirasida mehmonlar nafaqat o‘z xonadonlarining kalitlarini oldilar, balki tayyor loyiha bilan tanishish, qurilish sifatini, obodonlashtirilgan hudud va majmua infratuzilmasini baholash imkoniyatiga ham ega bo‘ldilar.&nbsp; Ishtirokchilar uchun musiqiy dastur, ijodiy mashg‘ulotlar, gastronomik hududlar va butun oila uchun ko‘ngilochar o‘yinlar tashkil etildi. Majmuaning sayr yo‘laklari, favvora-soy, zamonaviy bolalar o‘yingohlari, workout-hududlari va yerosti avtoturargohi mehmonlar e’tiborini ayniqsa tortdi.&nbsp; Shuningdek, tashrif buyuruvchilar kalitni olgach, deyarli o‘sha zahoti ko‘chib o‘tish imkonini beruvchi tayyor ta’mirlangan BIG+ xonadonlari bilan tanishdilar. Birinchi bosqich kalitlarining topshirilishi nafaqat qurilishning navbatdagi bosqichi yakunlanganining ramzi, balki zamonaviy hayot qulayligi san’at va ilhom muhiti bilan uyg‘unlashgan SAN’AT aholisi uchun yangi tarixning boshlanishi ham bo‘ldi. NRG-BI jamoasi barcha mehmonlar va xonadon egalariga bildirilgan ishonch uchun minnatdorlik bildiradi hamda yangi xonadon egalarini ushbu quvonchli voqea bilan tabriklaydi! ✨

San'at 1-1 turar-joy majmuasining kalitlari topshirildi

27-iyun kuni NRG-BI MEROS Comfort+ toifasidagi turar-joy majmuasi xonadonlarining egalariga kalitlar tantanali ravishda topshirildi. Loyiha nufuzli Mirobod tumanida joylashgan bo‘lib, zamonaviy me’morchilik, puxta o‘ylangan infratuzilma va qulay yashash muhitini o‘zida mujassam etgan. Yopiq va xavfsiz hovli, xususiy gastronomik ko‘cha, dizaynerlik xollari, zamonaviy kirish texnologiyalari hamda obodonlashtirilgan umumiy hududlar MEROS majmuasini yashash va oilaviy tarix yaratish istagini uyg‘otadigan maskanga aylantiradi. Loyihaning birinchi navbati belgilangan muddatda, ikkinchi navbati esa va’da qilingan sanadan to‘rt oy oldin topshirilgani NRG-BI kompaniyasining yuksak ish standartlari va mijozlar oldidagi mas’uliyatini tasdiqlaydi hamda alohida g‘urur bag‘ishlaydi. Tadbir Marokash uslubidan ilhomlangan muhitda o‘tdi. Mehmonlarni sermazmun dastur kutayotgan edi: kalitlarni tantanali topshirish marosimi, majmua bo‘ylab ekskursiya, xonadonlar va umumiy foydalanish hududlari bilan tanishuv, shuningdek, ko‘ngilochar faolliklar va musiqiy dastur. Bu kun yuzlab oilalar uchun hayotning yangi sahifasi boshlanishiga aylandi. Yaqin orada ular NRG-BI MEROS majmuasini qulaylik, baxtli lahzalar va unutilmas xotiralar bilan to‘ldiradilar.

Meros Comfort+ turar-joy majmuasining kalitlari topshirildi

MM__5678.JPG

MM__0253.JPG

MM__0418.JPG

MM__0377.JPG

MM__0306.JPG

MM__0365.JPG

668A2624.JPG

668A2839.JPG

668A2828.JPG

668A2712.JPG

668A2973.JPG

GN_13891.jpg

GN_14119.jpg

GN_14635.jpg

GN_14749.jpg

GN_15179.jpg

668A1659.jpg

668A8769.jpg

668A8932.jpg

668A8960.jpg

668A8892 (1).jpg

668A8879 (1).jpg

668A8779.jpg

DJI_20260625075719_0120_D.jpg

668A8085.jpg

668A8108.jpg

668A8037.jpg

668A0437.jpg

668A0125.jpg

668A0443.jpg

668A0223.jpg

Yangiliklar