NRG-BI 2025-yil yakunlarini sarhisob qilmoqda: qurilishning rekord sur’atlari va foydalanishga topshirilgan o‘nta turar-joy majmuasi

NRG-BI 2025-yilning asosiy loyihalari yakunlanganini e’lon qiladi hamda qurilish hajmini oshirish va yangi loyihalarni foydalanishga topshirishni davom ettiradi. Yil davomida kompaniya o‘zining keng ko‘lamli portfelidagi navbatdagi bosqichlarni yakunlab, o‘nta turar joy majmuasining kalitlarini o‘z egalariga muvaffaqiyatli topshirdi. Bu yil quyidagi loyihalarning aholisi o‘z xonadonlari kalitlarini qabul qilib oldilar:

Voha
Maftun Makon
Zamon
Yangi Baxt
Jomiy
Yunusobod
Botanika Saroyi
Sad’O

Dekabr oyi yakuniga qadar kompaniya yana beshta loyihani foydalanishga topshirib, Toshkentning yangi qiyofasini shakllantirishdagi o‘rnini yanada mustahkamlaydi. Barcha navbatlarni hisobga olgan holda, 2025-yilda kompaniya 15 ta loyihani yakunlab, uy-joylarni o‘z vaqtida topshirish va obyektlarni to‘liq foydalanishga kiritishni ta’minlaydi.

O‘zbekiston bozoridagi olti yillik faoliyati davomida NRG-BI barqaror loyihalar portfelini shakllantirdi va o‘sish sur’atlarini namoyish etdi:
- butun faoliyat davomida 22 ta yakunlangan loyiha;
- 24 ta loyiha — faol qurilish bosqichida;
- 454 551 m² — foydalanishga topshirilgan umumiy maydon;
- NRG-BI uylarini tanlagan 4 007 ta oila.

Ushbu natijalar kompaniyaning ishonchliligini hamda yuqori sifat standartlarini saqlagan holda o‘nlab obyektlarni parallel ravishda amalga oshirish qobiliyatini tasdiqlaydi. NRG-BI loyihalash va qurilishda zamonaviy yondashuvlarni — energiya samaradorligidan tortib, yaxshilangan shovqin izolyatsiyasi, shinam hovlilar, keng avtoturargohlar  va puxta o‘ylangan infratuzilmagacha joriy etishni davom ettirmoqda. Xavfsizlik, obodonlashtirish va oilaviy qadriyatlarni qo‘llab-quvvatlovchi muhit yaratishga alohida e’tibor qaratilmoqda.

“2025-yil kompaniya tarixidagi eng samarali yillardan biri bo‘ldi. Biz shunchaki uylar qurmayapmiz — biz odamlar yashashni, farzand tarbiyalashni va o‘z kelajagini qurishni istaydigan muhit yaratmoqdamiz. Topshirilgan har bir xonadon — bu oilaning bizga bo‘lgan ishonchidir va biz bunga maksimal mas’uliyat bilan yondashamiz. Oldinda NRG-BI’ni yanada kattaroq vazifalar kutmoqda va biz O‘zbekiston ko‘chmas mulk bozorida yangi sifat standartlarini o‘rnata olishimizga ishonamiz.”
— Dias Adilxanov, NRG-BI Uzbekistan direktori.

Joriy yil NRG-BI uchun barqaror rivojlanishning muhim bosqichi va mijozlar oldidagi mas’uliyatning tasdig‘i bo‘ldi. Joriy yilda topshirilishi rejalashtirilgan barcha loyihalar muvaffaqiyatli foydalanishga kiritildi, bu esa kompaniyaning o‘z majburiyatlarini bajarish va xaridorlar ishonchini oqlash qobiliyatini yana bir bor ta’kidladi. NRG-BI har bir yangi loyiha yanada mukammal, zamonaviy va hayot uchun qulay bo‘lishi ustida ishlashni davom ettiradi. Kompaniya kelgusi yilga mustahkam poydevor va minglab oilalar uchun turar joy ko‘chmas mulki standartlarini yaxshilash imkonini beruvchi aniq vazifalar bilan qadam qo‘ymoqda.