Flagman turar-joy majmuasi kalitlarini topshirish

26-iyul kuni uzoq kutilgan voqea — Flagman biznes+ toifasidagi turar joy majmuasidagi xonadonlar egalariga kalitlarni tantanali topshirish marosimi bo‘lib o‘tdi.

Loyiha Mirzo Ulug‘bek tumanining markazida, Muhammad Yusuf ko‘chasida joylashgan bo‘lib, qulaylik, xavfsizlik va puxta o‘ylangan hayotiy muhitni qadrlaydiganlar uchun yaratilgan. Flagman zamonaviy uy-joy uchun muhim bo‘lgan barcha jihatlarni o‘zida mujassam etgan: bolalar maydonchalari, shinam barbekyu hududi, bolalar xonasi hamda oilaviy hordiq va yaqinlar bilan samimiy uchrashuvlar uchun kinozal.

“Toshkent yuragida muvaffaqiyatingiz flagmani” shiori ostidagi bu kecha shunchaki kalitlarni topshirish marosimi bo‘lib qolmay, majmuaning bo‘lajak aholisi uchun chinakam bayramga aylandi.

Mehmonlarni shinamlik, ijod va nafosat muhitiga to‘la mazmunli dastur kutib turardi. Har bir ishtirokchi gulchambarlar to‘qish va xushbo‘y shamlar yasash bo‘yicha mahorat darslarida qatnashish imkoniga ega bo‘ldi, opera asarlarining jonli ijrosi esa oqshomga o‘zgacha ko‘rk va ulug‘vorlik baxsh etdi.

Bu kun mulkdorlar hayotidagi yangi bir bosqich — o‘z uy-joyiga ega bo‘lish orzusi ro‘yobga chiqqan lahzaning timsoliga aylandi. Kalitlarni topshirish marosimi qulaylik, ilhom va yorqin voqealarga boy yangi bir sahifani ochib berdi.